سهر الصايغ توضح سبب استمرارها في الطب وترد على انتقادات "حكيم باشا"

تحدثت الفنانة المصرية سهر الصايغ عن تمسكها بمهنة طب الأسنان رغم نجاحها في مجال الفن، مؤكدة أن شغفها بالطب لا يزال جزءًا أساسيًا من حياتها.

وأوضحت "الصايغ" خلال لقاءها ببرنامج "معكم" الذي تقدّمه الإعلامية منى الشاذلي على قناة ONE، أنها تواصل عملها في مستشفى قصر العيني مرتين إلى ثلاث مرات أسبوعيًا، قائلة: "أنا بحب مهنة طب الأسنان، وتعبت علشان أحصل على شهادتي، وصعب أسيبها".

وتابعت: "فكرة إنك تجمّلي ضحكة حد بتعمل حالة توازن للبني آدم اللي جوايا لأني بحتكّ بالناس وبعالج الناس، وشخصيتي كدكتورة أنا مش فنانة وبتخلّى عن حاجات كتير، وبيفكرني طول الوقت أني متغرّش وبيخليني على الأرض وبسيطة طول الوقت وبيعيّشني في الواقع أكتر".

وعن سبب عدم خضوعها لتجميل الأسنان، أوضحت سهر الصايغ: "مش عاملة فينيير لأنه معمول لإصلاح شيء معين، هو تجميل في الآخر وأنا مقتنعة بشكلي بالرغم من الاختلاف اللي فيه وعاجبني وكمان علشان فكرة التمثيل بيصعب عليا إني أعمل كلهم لون واحد".

وعن انتقادات الجمهور للهجتها الصعيدية في مسلسل "حكيم باشا" من بطولة الفنان مصطفى شعبان، والذي عُرض في السباق الرمضاني الماضي، قالت سهر الصايغ: "الجمهور يقول اللي هو عايزه وعلى راسي، إحنا بنعمل العمل وعارفين ومنتظرين تقييم الجمهور، وكتّر خيرهم إنهم شافوا المسلسل، وقعدنا فترة طويلة نتدرّب على اللهجة الصعيدي وكل مركز وكل نجع ليهم لكنة ومصطلحات خاصة بيهم".

https://youtu.be/rVjweXEn3GY

https://youtu.be/KDGAZuha2gc