بالصور.. فتاة تحاول الانتحار في بث مباشر: ربنا مش راضي عني

حاولت فتاة الـ«تيك توك»، التي تشتهر باسم «جنات»، الانتحار خلال بث مباشر عبر صفحتها الشخصية على موقع التواصل الاجتماعي «فيس بوك»، حيث استخدمت أقراص أدوية مختلفة، وبكميات كبيرة.

وقالت الفتاة وهي تنهار من البكاء: «خدت أدوية كتير، صحيت تعبانة ومخي تقيل جدًا بس مش ميتة، ومحدش وقفلي ولا عملي حاجة، أنا كلمت الشخص اللي كان في حياتي متحركش، طيب أنا موجودة ليه وعايشة ليه وحتى لو أنا عايشة عشان أشخاص هما مش عاوزيني».

وأضافت الفتاة: «الناس اللي حواليا مستنيين صوري اللي كتفي فيها باين وشكلي عامل إزاي، لكن أنا لوحدي، أنا ياما عطلت مصالحي الشخصية عشانهم وهما سايبيني»، متابعة: «ربنا مش راضي عني أنا مكنتش وحشة على فكرة ولو حد يعرف الشخص اللي كنت مرتبطة بيه يقولوا لو جنات كان همها ع فلوس كانت بقت في حتة تانية، هو صرف عليا لكن معنديش لا رصيد في بنوك ولا عربية ولا شقة، أنا أعرف أجيب تل فلوس وأنا ست مرغوبة عارفة إن ربنا مش راضي عني وإني مش كويسة بس هقابله في الآخر، وأنا محتاجة أمي».

واختتمت الفتاة قائلة:«أنا مش ناقصني شو ولا حاجة وكنت جدعة وراجل وبنت بلد، لكن عاوزة أموت، ويارب البرشام ده يعمل حاجة ومش هسكت لحد ما أموت».